楊岳橋揸車撞到的士認錯
[2017.11.15] 發表
【明報專訊】下個月8號舉行結婚酒會嘅公民黨黨魁、立法會議員楊岳橋(AY)，噚日喺中環發生交通意外。當時佢揸住黑色七人車，沿中環添華道駛出夏愨道時，喺路口同前面一架的士發生碰撞，好彩AY同的士司機都無受傷，但架的士車尾就被撞至有啲凹陷。
Emily事後致電慰問楊岳橋，佢透露，其實當時係打算由小路出大路，見到大路無車就諗住駛出去，但又無為意前面架的士無走，於是發生意外。AY承認今次係自己大意，落車後即刻向的士司機道歉，並交換電話號碼，佢話等緊對方報價，之後就會賠償司機。
更多港聞
見教聯談14億新資源方案 楊潤雄：小學教師學位化較易辦
【明報專訊】教聯會與百多名教育界人士，前天與教育局長楊潤雄會面，教聯會會長黃錦良引述楊潤雄稱，料14億教育新資源將於明年有初步方案，現階段小... 詳情
相關新聞
