【明報專訊】自從立法會復會後，修改《議事規則》、政府一地兩檢議案等事，搞到建制同泛民兩陣營議員關係緊張，行政立法關係都唔多和諧，呢幾個禮拜立法會大會都喺拉布同點人數中度過。政府就頻頻出動美食慰勞議員同記者，噚日喺大會舉行期間請大家食燒肉。 話說呢幾個星期大會，一班建制派議員喺會議期間都唔敢行咁遠，大部分人只係穿梭會議廳同會議廳前廳，出出入入間政助們都會同佢哋講聲「辛苦晒」。為慰勞大家，前個禮拜就由特首辦率先請議員同記者食蛋撻。立法會上周開始傾一地兩檢議案，運輸及房屋局長陳帆就接力請大家食牛奶撻同西餅，仲由副局長、經濟學者蘇偉文幫手派，不過被問到有冇請埋泛民議員食，蘇偉文就不置可否。今個禮拜則輪到律政司長袁國強出手，搵人喺立法會內大派燒肉嘞。
|
| |
| |
;){kind=small}
;)
