郵輪搵鼎爺做talk show
[2017.09.23] 發表
【明報專訊】香港一直致力發展郵輪業，有唔少郵輪都會以香港做母港，皇家加勒比國際郵輪「海洋航行者號」同「海洋贊禮號」就分別喺唔同季節，以香港同深圳做母港，公司華南及香港區銷售及市場總監楊博雄話，郵輪團銷情理想，嚟緊10月底出發嘅沖繩遊會搵近期人氣急升嘅鼎爺(李家鼎)喺郵輪上做talk show，講「飲食與人生」，即係人生中酸甜苦辣嘅經歷，但鼎爺唔會開火煮餸。
另外，香港旅遊業議會總幹事董耀中話，本身都擔心今年十一假期長，內地客會揀長線遊，但早排初步接觸過接待內地客嘅香港旅行社，佢哋反映今年生意唔錯，有信心平均每日會有200至250團內地客來港，比去年平均每日125團上升起碼六成，形容情况理想。
更多港聞
相關新聞
