Ariana Grande周四港開show 警大會堂反恐演習 模擬駁火
[2017.09.19] 發表
【明報專訊】美國歌手Ariana Grande將於本周四在港舉行世界巡迴演唱會，香港警方鑑於今年5月佢喺英國舉行演唱會期間發生恐襲事件，噚日凌晨特別喺中環大會堂舉行代號「天幕」嘅反恐演習，模擬恐怖分子喺音樂會亂槍掃射，警方採用即時戰術駁火，以測試警隊唔同部門嘅應變能力。
反恐演習歷時約個半鐘，模擬大會堂舉行緊一場有70至80名觀眾嘅音樂會時，突然有7名恐怖分子闖入大會堂亂槍掃射，多名市民「中槍」倒地；警方接報調派反恐特勤隊(CTRU)、港島總區衝鋒隊、中區警區及機動部隊等超過200人先後趕至，同恐怖分子駁火，當場制服4人，但被3人潛入音樂廳。
反恐特勤隊隨即衝入音樂廳搜捕及疏散觀眾，再喺音樂廳內制服其中兩人，剩低一名恐怖分子見「大勢已去」，扮觀眾混入人群逃到停車場專門處理疏散者嘅區域，但喺機動部隊人員核實市民個人資料下，最終落網。
《閃避求》手冊教市民應對
另外，警方特別製作一本名為《閃避求》嘅遇險手冊，提醒市民遇到恐襲時嘅應對方法。警方仲話，為提升市民對恐襲嘅危機意識，考慮緊下次演習畀公眾參與。
更多港聞
中大書院給最高榮譽獎學金 唇讀芷君赴英深造社會政策
【明報專訊】自小弱聽、弱視，加上觸感弱，需以唇感應凸字的「唇讀女生」曾芷君，今年於中文大學翻譯系畢業，並獲獎學金赴英國倫敦大學學院（UCL）... 詳情
【明報專訊】與地球近似的星體，即類地行星（例如水星、金星、火星和月球），其表面與地球看似很大分別，但一群來自美國太空總署、漢普頓大學與香港大...
詳情
相關新聞
