李家傑接任一國兩制研究中心主席
[2017.09.16] 發表
【明報專訊】由「梁粉」、前行政會議成員張志剛擔任總裁嘅一國兩制研究中心，不時都攞到政府撥款資助做研究，外間對呢個組織未必好認識，其實研究中心係由一班知名建制派人士組成，恒隆地產董事長陳啟宗就多年擔任研究中心嘅執行委員會主席，不過中心噚日發稿，話陳啟宗星期三已經辭任主席同理事會成員，只係保留研究中心成員嘅身分。至於接任主席嘅就係恒基兆業地產副主席、全國政協常委李家傑。
根據研究中心嘅網站，中心成員個個都係政商界知名人士，好似長和系副主席李澤鉅、新地主席郭炳聯、信置主席黃志祥、全國政協副主席董建華嘅細佬董建成、全國政協常委唐英年等。中心名為「一國兩制」，近年研究嘅議題包括「傳媒時事輿情研究」、「國情國策研究」等。
更多港聞
【明報專訊】離任高官嘅去向受唔少市民關注，政府噚日公布，前教育局長吳克儉獲准由今日起出任上海大學MBA中心臨時兼任教授，主要負責教授一個為期...
詳情
相關新聞
