電腦節下周五開鑼 推早鳥優惠電競街吸客
[2017.08.16] 發表
【明報專訊】由香港電腦商會舉辦嘅「香港電腦通訊節2017」下星期五起一連4日喺會展舉行，今年主題係「創科浪潮 激發玩樂狂熱」。今年電腦節設600個攤位，係歷年最多。電腦節入場費係30蚊，今年首次推出早鳥優惠，凡喺朝早11點前入場，買飛買一送一。每日頭50個入場仲可以攞到一個價值299蚊嘅藍牙鍵盤。
電腦節除咗提供各款特價電腦產品，同場仲會舉行第三屆「香港電競節」，入場人士可以觀賞多場電競比賽，今年更首次增設手機遊戲賽事Clash Royale。另外電腦節亦特設「電競街」，售賣嘅電競裝備比舊年多一半，包括最新型號嘅影音直播棒同中央處理器等。電腦商會期望今年入場人數可以同舊年睇齊，達到80萬人次。
更多港聞
相關新聞
