【明報專訊】平時買嘢所有嘢都預先包裝好，不知不覺製造咗好多垃圾。為咗推行減廢，可持續發展關注組織思網絡發起「裸買運動」，鼓勵市民購物時自備容器。 「裸買運動」頭炮「社區裸買日@中西區」於7月29至30日上晝11時至下晝6時舉行，活動包括喺上環西街54號設「期間限定裸買店」。店內會有16個參與單位，以無包裝形式出售環保餐具、果乾、洗衣粉等商品，市民需自備容器購物。 思網絡總監鄭敏華話減廢刻不容緩，如果唔製造包裝垃圾，已經可以減少好多廢物。佢又話有唔少網民話佢知，覺得市面上無包裝產品嘅選擇唔多，所以佢希望期間限定裸買店可以成為一個示範，將無包裝消費嘅信息帶入社區。Emily問如果冇帶器皿又想買嘢可以點做，鄭敏華話裸買店會提供小量舊容器畀顧客，但都希望顧客自備容器，強調「祼買係需要準備」。 「裸買運動」仲有「裸買美食自由行」、「裸買生活工作坊」、「裸．跑=裸買X跑步讀書會」等活動，有興趣可到https://goo.gl/forms/mzFL886gsMx3Vz2K2查閱詳情同報名。
|
| |
| |
;){kind=small}
;)
