陳綺貞入安老會？ 委員同文青歌手撞名
[2017.07.22] 發表
【明報專訊】社會成日講人口老化，對長者議題嘅關注度都增加。政府噚日就公布安老事務委員會嘅新成員名單，仲委任咗7名新成員，包括香港明愛社會工作服務部長陳美潔、社聯行政總裁蔡海偉、會計師鍾慧儀、香港安老服務協會主席李輝、律師羅德慧、葛量洪醫院行政總監彭飛舟，仲有名叫陳綺貞嘅女士。
Emily見到陳綺貞個名，無辦法唔諗起台灣文青歌手陳綺貞，以後開會，委員咪有歌聽囉？原來只是「名有相似」，Emily翻查資料，新任委員陳綺貞經驗豐富，除咗係救世軍護老者協會主席，亦係整筆撥款督導委員會成員，根據過往新聞公報，佢有個別名叫陳琺荃。至於民建聯前成員陳曼琪律師就完成6年任期離任。
更多港聞
相關新聞
