【明報專訊】林鄭月娥仲有一個月就上任特首，Emily同市民一樣，好關注新一屆政府問責班子團隊，政界盛傳民主黨黨員、扶貧委員會關愛基金專責小組主席羅致光(圖)會加入團隊，但問責官員必須無政黨背景。羅致光噚日接受商台《在晴朗的一天出發》電話訪問時，主持轉個彎，無直接問佢係咪會加入新政府，只問佢會唔會入紙申請退出民主黨，佢斬釘截鐵咁話「唔會回應」，又話希望下屆政府改善行政立法關係，減少無謂爭拗。

稱需時研扶貧委員會過渡

仲有一件事Emily都好關心，就係扶貧委員會過渡事宜。政府之前同委員講，希望佢�]延任一年，羅致光就估計，因為政府換屆，需要提供時間畀下屆政府研究點樣重整委員會運作形式，但佢都相信委員會未來會繼續存在。唔知新一屆政府上場，羅致光會以委員身分出席扶貧委員會會議，定係會成為問責官員配合政府扶貧工作呢？Emily拭目以待。