【明報專訊】民主黨前主席劉慧卿主持網台節目《議會內外》，不時邀得政界人士同佢暢談政事，好似噚日就請�鬙萿k會前主席曾鈺成做訪問，今日又再邀得特首候選人林鄭月娥受訪，林太更係選舉期以來第二次接受卿姐訪問，似乎大家都好畀面卿姐。

不過，卿姐主持節目時就絕不留手，好似噚日訪問曾鈺成，一開始就話要談論「特首小圈子選舉呢個鬧劇」，搞到曾主席立即要澄清，鬧劇係卿姐講，唔係佢講，強調選舉係依法進行云云。

卿姐﹕選舉係鬧劇 曾﹕係你講

卿姐問曾主席有無睇前晚�黚S首候選人辯論，曾主席話：「有，咁精彩都唔睇？」形容今次辯論仲好睇過美國選舉特朗普同希拉里�幭G論，佢話3個候選人辯論有內容、有政綱，亦有互相提問。不過，卿姐似乎唔多同意，強調選舉市民無得投票，咁有乜好睇？更多次打斷曾主席�齔�論，搞到曾主席都笑笑口話要學曾俊華�鶵袛薦暕縑A話卿姐一個人獨白，「呢個係你主場，你講晒佢」。

卿姐無理曾主席繼續發表意見，曾主席反問卿姐，其實佢有無睇前晚場辯論�謘A卿姐竟然好爽快咁話無！佢話當時自己�鷁鵷{，曾主席聽到佢咁講，都無再同佢討論辯論喇。