被問推進一帶一路成效 專員蔡瑩璧：學者估起碼30年
[2016.12.07] 發表
【明報專訊】唔知大家記唔記得，特首梁振英(CY)喺上年《施政報告》宣布成立一帶一路辦公室？話咁快，前高官蔡瑩璧(Yvonne，圖)走馬上任「一帶一路」專員已4個月，佢噚日同傳媒茶敘時分享咗工作心得。佢話「一帶一路」倡議範圍廣闊、具前瞻性，推進唔係短時間可以做到，連中外學者都估算起碼要30至50年時間。
雖然可能好多人心急想睇佢哋有咩功課交，但Yvonne話，就好似讀書畢業，都要經過小學中學，唔能夠短期衡量成效，希望大家眼光放遠啲。佢仲聲明自己並非「擦鞋」，但認為一帶一路可為香港帶來唔少機遇。
稱兩三星期同CY開會一次
現時辦公室主要從兩方面着手，包括為業界提供更詳盡資訊，以及尋找項目。Yvonne話，雖然有人認為一帶一路項目多數涉及大型基建，但佢相信本港中小企亦可參與其中，例如管理服務等，又期望有成功例子可起「龍頭作用」，帶動其他企業走出去。
CY一直好重視「一帶一路」，辦公室更係直接向佢報告，Yvonne透露，平均每兩至三個星期就會同特首及三司開會。其實Yvonne今次願意捱義氣，免受薪做義工一年，係因為希望一帶一路工作能快啲開展，省卻需要立法會通過公帑撥款。而佢自己亦遊歷過唔少一帶一路國家，包括敘利亞、伊朗、埃及、迪拜等，對當地文化甚感興趣。
講明唔做政治工作
不過Yvonne任期去到明年6月30日，會唔會考慮留任幫手？佢就話會先專注眼前工作。至於佢會唔會喺特首選舉幫人助選，甚至加入新班子做局長？Yvonne笑言大家太抬舉佢，又講明自己唔做政治工作。
更多港聞
【明報專訊】新一屆選舉委員會選舉周日（11日）舉行投票日，但點解有啲高教界選民話，至今都未收到投票通知卡？選舉事務處噚日下午發出新聞稿，話已...
詳情
閣麟街磚牆 建築年份有爭拗 團體稱1879年 古蹟辦稱1930年代
【明報專訊】位於市建局H18重建項目範圍內嘅中環閣麟街百年民房磚牆遺址，古蹟辦最新評估民房可能喺1930年代建造，建議不予評級，意味磚牆難逃... 詳情
【明報專訊】每逢清明節、重陽節，唔少香港人都會去墳場拜祭先人，隨住綠色殯葬興起，創新網站「念恩網」將於本周推出一個集智能族譜、家族成員生活點...
詳情
【明報專訊】教聯會調查發現，受訪小學教師平均每周工作64.5小時，逾九成受訪教師認為小學全日制的原意已被扭曲。另外，有八成受訪教師稱曾因沒有...
詳情
相關新聞
