葛珮帆收疑似糞便信報警
[2016.11.08] 發表
【明報專訊】民建聯立法會議員葛珮帆(EQ)喺上月底收到封收信地址係「香港国金鐘立法会大樓」嘅信，搞到要向郵政署長投訴；點知噚日晏晝4點幾，佢嘅辦事處職員打開其中一封信，即時臭氣熏天，原來內裏係張白信紙夾住疑似糞便，信紙上就乜都無寫，職員報警處理。
根據葛珮帆提供圖片，探員戴上手套小心翼翼咁檢查封信。EQ同Emily講，事件中兩個職員都感到好惡心，亦擔心陸續有嚟，強烈譴責事件，警方將案件列作求警協助處理，暫時無人被捕。
EQ兩個月前亦收到一封有可疑粉末及辱罵字句嘅恐嚇信，好彩粉末只係麵粉；上月底又有自稱「香港台灣靖國神社崇敬奉贊會會長」寄信畀佢，收信地址寫住「香港国金鐘立法会大樓」，EQ認為地址明顯違反《基本法》，質疑郵政署唔夠政治敏感，去信郵政署長投訴。
更多港聞
報告﹕學生自殺無關教育制度 委員會仍建議檢討 重視非學術成就
【明報專訊】防止學生自殺委員會昨向教育局遞交最終報告，提出了多項改善建議，委員會認為學生自殺與本港教育制度沒直接關係，但仍建議檢視教育制度，... 詳情
【明報專訊】考評局今日將公布2016年文憑試（DSE）的考試報告，報告撮要提及中文科文言文閱讀考卷部分，考生未有作答情况明顯減少，表現略有進...
詳情
相關新聞
