睇賽馬 指點選舉 鍾樹根評大主席「扭扭擰擰」
[2016.11.02] 發表
【明報專訊】特首跑馬仔如箭在弦，各路人馬正喺「沙圈」踱步，但至今正式宣布參選特首嘅只得退休法官胡國興。民建聯前立法會議員鍾樹根(樹根)噚日喺facebook發文，話自己上個月去武漢參觀全國賽馬比賽，並疑似借題發揮，問網友香港5年一次跑馬仔，「你準備好未？」，又形容「大法官搶閘，財神爺亦不甘寂寞」，但「大主席扭扭擰擰，仲未有表示」。
「大法官搶閘財神爺不甘寂寞」
樹根喺帖文加上幾個標籤，包括大法官、財神爺、前大主席、前局長，同「仲有想冧莊嘅…」，不過一律無指名道姓。佢形容朋友喺武漢拉頭馬好威水，至於「香港跑馬仔，邊個最威水呢？買定花生落重注」。
落重注邊個？ 「睇定啲先」
Emily問樹根講緊邊個，例如「前大主席」係咪代表遲遲未明確表態嘅立法會前主席曾鈺成呢？樹根無正面回應，笑住話「你話係就係，唔係就唔係」，對於自己會喺特首選舉為邊個「落重注」，佢話「睇定啲先」。多個熱門特首人選都未明確公布意向，係咪太遲呢？樹根話相信各有盤算，至於各人係咪等緊北京開綠燈，佢就話「你自己諗啦」。
更多港聞
研機械人清海洋垃圾 為流浪貓製智能屋 天虹小學邀各界助學生追夢
【明報專訊】浸信會天虹小學本學年與眾籌網「啟夢者計劃」（DreamStarter）合作，昨邀請約200名不同界別的嘉賓聆聽學生的夢想。聽完學... 詳情
【明報專訊】香港大學研究生校委選舉爆出涉嫌賄選風波，校委會駁回賄選投訴，引發不少師生及校友不滿。據筆者了解，「抗爭派」評估推翻裁決的機會微，...
詳情
相關新聞
