玉娥思嫣達斌 齊齊無咗5萬蚊

當選新界東議員嘅公民黨楊岳橋（AY，左），噚日於當選後，同曾經大讚「CY（特首梁振英）係太完美」、喺同區以400幾票落敗嘅陳玉娥搭膊頭合照，台下有唔少人馬上衝前幫佢哋影相，之後仲有網民話「娥姐陰陰嘴笑」。（李紹昌攝）

【明報專訊】今屆立法會選舉由泛民、本土自決派及建制派三分天下，查實今次選戰風雲仲出現好多派別，例如公開話特首梁振英完美嘅陳玉娥、正義聯盟李偲嫣同愛港之聲高達斌等。三大愛港人士分別參選新界東同九龍東，最後齊齊落敗、得票率不足1%，5萬蚊選舉按金要被沒收。埋單計，今屆直選有31張名單、超區有3張名單被沒收選舉按金，總金額高達162.5萬元。

得票不足 34名單沒收選舉按金

根據選舉規例，地方選區候選人報名時要交5萬元、功能界別要交2.5萬元，候選人得票少過所屬選區或組別有效選票總和3%，按金會被沒收。以地區直選計，臨陣「棄選」嘅6人全部無一倖免，棄選超區嘅3名候選人得票率亦少過2%。而新界西有8張名單被沒收按金，成為上繳最多選區，達40萬元；交得最少嘅係九龍東，有4張名單；港島、九龍西同新界東，分別有6張、6張同7張名單被沒收按金。

馮檢基得票1.8萬「最唔抵」

最唔抵嘅可能係參選新界西嘅馮檢基，佢以近1.8萬票、得票率2.96%，同門檻「擦身而過」。新界東嘅鄭家富就好好彩，同樣有約1.8萬票，但得票率有3.08%，結果大步檻過。成個選舉最低票數嘅就係參選新界東嘅梁金成，最後得305票，得票率都係全場最低嘅0.05%。

Emily又計咗其他選舉之最，好似自動當選地產及建造界嘅經民聯石禮謙，就係最年長議員(71歲)，佢話明「今屆最大年紀係我」，但認為議會好似社會縮影，要有老人家、有後生仔，重溝通都要重經驗咁話。

更多港聞

單雞揸機影攝記

【明報專訊】（圖1）四年一度喺亞博館直擊點票開票，一眾攝影行家當然要留影紀念，不過要幫攝記影大合照，都好有壓力，最後民主黨單仲偕（單雞，左）... 詳情

無綫冇報棄選新聞 通訊局接44投訴

【明報專訊】立法會選舉完結，多名泛民候選人喺上周五宣布棄選，無綫新聞並無報道相關消息，令唔少網民不滿，通訊局話截至噚日（5日）共收到44宗投... 詳情

關注組今擬校外商二次前途 校方：不涉暴力無意阻止

【明報專訊】開學日基督教香港信義會元朗信義中學有學生擬派本土傳單時遭校方帶回校內，有網民以該校校友名義在facebook成立本土關注組，稱今... 詳情

沈祖堯：中大不贊成港獨 衛言論自由

【明報專訊】中文大學校長沈祖堯(圖)昨天出席開學禮後回應傳媒指出，法治是香港的重要基石，《基本法》訂明香港是中華人民共和國不可分離的部分，大... 詳情

林鄭參觀恒生管理學院宿舍

【明報專訊】政務司長林鄭月娥（中）到恒生管理學院參觀該校的賽馬會住宿書院，她勉勵學生珍惜校園生活，為踏入社會作好準備。該住宿書院提供1200... 詳情