東隧聽日移交政府 人手繳費零時停幾分鐘
[2016.08.06] 發表
【明報專訊】東區海底隧道專營權聽日(7日)屆滿，由政府接收成為政府隧道，到時唔會有特別交接儀式，但運輸署噚日話，周日零時前後人手繳費通道會暫停三四分鐘，配合隧道移交，自動收費通道就唔受影響。
運輸署提醒駕駛者，東隧專營公司「新香港隧道有限公司」早排賣出嘅隧道費代用券，亦會喺周日起停用，駕駛人士唔可以再用代用券嚟繳付隧道費，需改用政府隧道費代用券代替，而殘疾駕駛人士亦可喺東隧使用政府隧道殘疾司機隧道券。
隧道移交後，東隧嘅實際運作基本唔會改變，包括徵收嘅隧道費用同申請許可證規定等。東隧交接後首份合約為期兩年，政府會委託承辦商管理及維修，現有95%員工會由新承辦商重新聘用，而加入新公司嘅員工都獲得同原本相同或更高工資。
更多港聞
相關新聞
