分享平台鼓勵發掘好事Like HK
[2016.08.01] 發表
【明報專訊】香港地方細細，其實有好多吃喝玩樂好地方。零售、旅遊及餐飲業等界別人士就自發搞咗個「WE LIKE HK」分享平台，話要喚起全港市民去發掘同分享身邊好事。召集人、「蘭桂坊之父」盛智文話，希望活動可以喺社會牽動一股正能量。
「WE LIKE HK」係一個分享平台，旨在鼓勵市民以食、買、玩、睇4個主題，尋找同分享美好事物。市民除咗可以喺平台分享，仲可以喺佢哋嘅臉書同Instagram專頁發表內容。「WE LIKE HK」10月仲會邀請低收入家庭嘅小朋友，免費入場睇喺香港首次舉辦嘅「電動方程式」(Formula E)賽車錦標賽。
盛智文喺「WE LIKE HK」嘅啟動禮話，平台「唔分任何年齡階層，人人都可以參加」，又希望大家可以令開心快樂嘅氣氛喺社區延伸開去。
更多港聞
相關新聞
