【明報專訊】今日年廿九大除夕，家家團年迎接猴年來臨，不少靚太或師奶都為煮團年飯而煩惱，事關要去街市爭雞搶燒肉都相當有難度，而海味又要花時間去浸及處理，肥媽(Maria Cordero)特別向大家介紹簡單的賀年菜，有意頭又快靚正，最重要是她的宗旨——平，而且包保食到「舐舐脷」，祝福大家來年日日有食神！

肥媽近年推出煮食節目《食平D》系列，成為師奶熱捧對象，人氣高、收入多，但她仍樂於走訪街市，見到新鮮食材都倍感興奮。農曆新年將至，肥媽跟一般太太一樣要準備團年飯，也要為大小飯局準備，但她不覺有壓力。肥媽指廚藝是從小到大培養，7歲就要擔任家中大廚，長大後又為不同的家庭及餐廳做「包伙食」的工作，多年來都負責走訪街市選食材，下廚最重要手腳快，事關肥媽擁有6名子女及13個孫仔女的大家庭，一次過煮十個八個餸的「大鑊飯」，對她而言可謂毫無難度。

祝《明報》讀者日日有食神

肥媽今次向大家示範一道最簡單的賀年菜：「紅運笑蝦蝦」，她認為賀年菜式來來去去都幾款，但在簡單之上加點小心思，就會成為不一樣的菜式，肥媽說：「蝦幾有意頭，祝願大家都哈哈笑，跟肥媽一樣開心，而且茄汁紅色，紅卜卜夠氣氛。」跟傳統的茄汁蝦有少少分別，除甜味外，肥媽特別加上韓式辣醬，令菜式更惹味，再配合番茄增強口感。這道菜在短短6分鐘就完成，貫徹她一向快狠準的風格，肥媽說：「蝦不可以炒太長時間，肉質會變得好『梅』，番茄不要太爛，所以要快手，而且蝦開邊切開，這樣會比較容易入味，我嫌這個火不夠強，如果明火會爆到個蝦殼更加脆口，比這個更加有口感。」明白，是記者安排不周，請不要似對陸浩明那樣開罵提早「開年」，不過肥媽總是面惡心善，招待一眾工作人員試食，大家都食得津津有味！肥媽最後向《明報》讀者祝願：「祝大家猴年日日有食神！最重要身體健康！」

記者：楊安莉

攝影：孫華中

場地：煮飯仔Cooking Studio

化妝：Jeff Tang髮型：Calvin Chan@M.I. Salon

■更多娛樂猛料 ﹕ol.mingpao.com