【明報專訊】新春花車巡遊會喺2月8日年初一晚8點舉行，今年巡遊會有13架花車同22個本地、國際團體沿途表演，由香港文化中心廣場出發，途經廣東道及彌敦道，以喜來登酒店為終點。 黑白淡奶懷舊主題 感受人情味 Emily噚日睇過啲花車，其中排頭位嘅國泰花車巡遊隊伍由80幾個機師、艙務員及地勤職員組成，沿路會一邊跳舞，一邊用iPad同沿途市民自拍留念，仲會即時將啲相傳到花車嘅大型屏幕播放。至於第一次參加嘅黑白淡奶，花車用港式茶餐廳特有嘅花窗同馬賽克地板設計，巡遊當日會播懷舊金曲，比市民感受香港嘅人情味。 適逢猴年，唔少花車都用馬騮為主題。澳門旅遊局嘅花車除咗用「齊天大聖」做主題，搵咗一班小朋友扮美猴王同小靈猴載歌載舞，佢哋同Emily講，已經練咗1個月，仲話完全唔辛苦。 香港研究協會啱啱做咗個調查，發現15%嘅市民表示派利市嘅總金額會減少，近六成人每封利市只會包20元，估計係受經濟差影響較以往手緊，睇嚟Emily今年收到嘅利巿錢可能會少咗。
|
| |
| |
;){kind=small}
;)
