【明報專訊】梁美芬(Priscilla)上年區選喺黃埔東迎戰年僅24歲嘅青年新政游蕙禎，喺對方強勁嘅網絡宣傳攻勢之下，最終力保不失守住議席。梁美芬噚日同傳媒茶敘時話，自己都知道上一代人同年輕人嘅諗法好唔同，為咗聆聽多啲新一代嘅聲音，近排積極學用facebook等社交媒體，想拉近兩代嘅距離。咁會唔會效法佢嘅年輕對手游蕙禎呢？55歲嘅Priscilla就講笑，嫌游蕙禎唔夠後生，自己嘅學習對象係17、18歲嘅後生仔女。 上網學咗唔少潮語 Priscilla話自己近來喺網上學咗唔少潮語，例如「放閃(炫耀)」、「op(overpowered，太厲害)」等等，但就慨嘆網上潮流來去匆匆，佢要花唔少時間先跟得上，例如啱啱對fb上手嘅時候，唔少年輕人已經轉去instagram。不過Priscilla話暫時無打算開ig戶口，因為學習始終要一步一步嚟。佢又話，雖然網上有唔少人唔鍾意建制派嘅聲音，但如果因為咁就放棄社交媒體，就可能會放棄埋其他潛在嘅支持者。
|
| |
| |
;){kind=small}
;)
