旅議會將換屆 主席位爭凳仔
[2015.12.05] 發表
【明報專訊】旅議會即將換屆，噚日係新主席提名期嘅最後一日，金怡假期董事長葉慶寧趕喺限前報名，下星期二將會同康泰旅行社董事總經理黃進達拗手瓜。黃進達係現屆副主席，早排嘅理事選舉亦都順利連任，業內人士睇好佢成功跑出。不過，今次選情未必一面倒，事關Emily聽聞有「高人」出手幫葉慶寧拉票。Emily問過即將卸任嘅胡兆英，佢只係話，相信各位理事會考慮候選人嘅能力、理念同衝勁，投下神聖一票。
葉慶寧早喺1989年已經第一次當選旅議會理事，之後競逐過旅議會主席，亦曾經參選立法會，一直未能上榜，但屢敗屢戰。
候選葉慶寧反自由行設限
佢上年接受訪問時話，旅客來港消費都係為咗開心，互相遷就就冇問題，唔需要限制自由行人數；又話如果設限，一定影響零售市道，衝擊香港經濟。
更多港聞
【明報專訊】第一屆「香港國際創客節」前日開始一連3日舉行。Emily噚日湊熱鬧去咗創客節嘅「十大國際青年創客」頒獎禮，睇下一班創客有幾國際，...
詳情
相關新聞
