最大型文武二帝出巡 賀東華三院145周年
[2015.10.30] 發表
【明報專訊】東華三院星期日(11月1日)會舉行「145周年文武二帝出巡．文武廟秋祭典禮」，恭請文武二帝乘坐鑾興出巡，替市民祈福消災。
上次出巡 追溯1872年
今次係140幾年嚟最大型嘅二帝出巡，巡遊隊伍另有百尺金龍、醒獅、太極及武術表演等，朝早10點半喺上環文化廣場起步，途經摩利臣街、皇后大道中、水坑口街同荷李活道，返回文武廟；中午就開始秋祭典禮。
中國以農立國，自古以嚟都會趁秋季百穀豐收搞祭祀活動，慶祝收成同酬謝神恩，亦即係「秋祭」。東華三院由1957年開始，每年都喺文武廟慶祝秋祭，但就冇巡遊。
對上一次文武二帝大型出巡，要追溯到1872年東華三院旗下首間醫院東華醫院落成啟用嗰陣；今年適逢東華三院創院145周年，先有咁大陣仗。
更多港聞
【明報專訊】海洋公園下星期一開始就有免費Wi-Fi喇，噚日官方宣布同香港寬頻推出首階段服務，覆蓋園內12個設施同景點，仲要係公眾Wi-Fi之...
詳情
【明報專訊】早前獲大學教育資助委員會通過正名為大學的香港教育學院，將於下學年開辦3個雙學位課程、3個中學學科師訓課程及特殊教育榮譽文學士課程...
詳情
相關新聞
