阿Ben高佬帶「高sir」巡黑點

陳恒鑌（左）同何俊賢（右），帶埋「高sir」紙板公仔（中）去衛生黑點視察，仲話喺「發泡膠盒山」後面玩伏匿匿。（陳恒鑌facebook圖片）

【明報專訊】民建聯早排搞「衛生黑點」搜查，搵出唔少地方多垃圾，而政府其後就搞咗個全港清潔行動回應嘞，唔少高官呢排都有落區宣傳清潔信息，又搵人加強掃街、清渠，民建聯陳恒鑌(Ben)同「高佬」何俊賢，日前就帶埋「高sir」落去視察吓啲黑點情况。

邊個係高sir呀？原來係食物及衛生局長高永文嘅紙板公仔。阿Ben話有啲黑點情况已經改善，當然要畀個like政府，不過，佢哋亦見到一啲黑點仍然係一堆二堆垃圾棄置街頭。阿Ben同高佬喺深水埗大南街就見到好多發泡膠盒，於是鬼鬼馬馬搵埋高sir喺膠盒山後玩「伏匿匿」影相，當然仲加一句，叫高sir快啲搵人去清理垃圾喇。

講開民記，佢哋除咗關心垃圾問題，佢哋嘅專業事務委員會噚日同香港註冊中醫學會慈善基金，合作搞中醫義診計劃，先以觀塘區做試點，委員會期望能夠將義診計劃陸續推廣至各區喎。

更多港聞

傳媒之友 羅軍典急病離世

【明報專訊】有「傳媒之友」之稱、自2007年出任香港家庭傭工僱主協會主席嘅羅軍典，於本月18日逝世，享年74歲。佢家人今日喺報章刊登訃文，將... 詳情

曾鈺成讚財爺林鄭有能力

【明報專訊】前港區人大代表吳康民早前接受電視台訪問，自爆曾經提醒立法會主席曾鈺成，對於選特首「千祈唔好制」，又大讚財政司長曾俊華可以出任特首... 詳情

曾俊華捧曹星如場 fb狂update

【明報專訊】港產拳王曹星如（Rex）前晚在港出戰，取得第18連勝佳績，財爺曾俊華當晚除咗去捧場，仲即時喺facebook連出5個post報道... 詳情