正義聯盟「感謝」28泛民
[2015.06.23] 發表
【明報專訊】「正義聯盟」召集人李偲嫣化身「送禮嫣」，噚日聯同20多名聯盟支持者，去立法會向28個否決政改嘅議員送大禮，包括「神主牌」、一顆黑心，同埋幾億冥幣。佢哋浩浩蕩蕩咁由「公民廣場」行去立法會示威區，每個人手持印有議員相片同名稱嘅「神主牌」，大叫「上路啦」。
李偲嫣一行人身穿黑衫去到示威區抗議，批評有28個議員否決政改係無良心，所以每人送咗個黑心畀佢哋。李偲嫣仲安排專人敲銅鑼，個「送禮儀式」就好似幫人超度咁，最後仲有燒埋張「引路途冥通開」嘅黃紙同幾億冥幣，話要幫議員「開路」喎。李偲嫣話，前日花咗成8個鐘去整「神主牌」同黑心道具。
不過，立法會保安就相當緊張嘞，一見李偲嫣燒衣，就準備好滅火筒，以防萬一。
更多港聞
【明報專訊】一項調查發現，本港兒童閱讀風氣較日本及台灣差，相對後兩者均有逾三成兒童每月閱讀超過10本書，本港僅得5.7%，亦較少參加寫作徵文...
詳情
【明報專訊】內地生報讀浸會大學內地本科課程本月2日截止，昨公布內地申請人數為2319人，較上年3876人大跌40.2%，而今年在內地擬收生1...
詳情
相關新聞
