學苑曾經好「紅」
[2015.02.27] 發表
【明報專訊】港大學生會刊物《學苑》之前被特首在施政報告點名批評支持港獨，Emily噚日拎咗最新一期，其中一個封面名為「偽自由書」，編委特登喺學苑兩字上揼咗個「被查封」嘅紅印，諷刺自己被打壓。今期《學苑》原汁原味刊登咗1969年一篇討論港獨嘅文章，而當年嘅副老總就係?家既基本法委員會委員劉迺強。
批特首大驚小怪
Emily覺得最值得一睇嘅就係詳細講解歷代學苑思潮更替嘅苑論，入面話學苑曾幾何時都「好紅」，特別喺1970年代嘅「火紅年代」，當時成日都有一啲認識中國同極端社會主義嘅文章刊登，其中港大新聞及傳播研究中心總監陳婉瑩曾經講過「『香港人』、『獨立國』的論調正是帝國主義者分裂中國陰謀下的產品」，苑論話歷屆學苑貴在自由，編委可以一抒己見，批評特首煞有介事公開批評佢哋，其實只係大驚小怪。
更多港聞
相關新聞
