財爺：創業者要同生意談戀愛
寄語青年破釜沉舟

財政司長曾俊華（前排中）早前同幾個年輕創業者交流，了解佢哋嘅創業歷程，大家約喺大圍一間好有格調嘅cafe見面，cafe老闆都係小型貸款計劃嘅借款人。財爺仲話間cafe開張短短一年多，已成為區內人氣「蒲點」。（曾俊華網誌圖片）

【明報專訊】坊間近期對青年創業有唔少討論，財政司長曾俊華又喺網誌撰文分享創業心得。財爺話，青年創業嘅結果係好係壞，好大程度取決於創業者本身，「認真的創業者需要有破釜沉舟的決心，願意與自己的生意談戀愛」。

指「小型貸款計劃」非慈善工作

財爺認為創業者須有充分準備，蒐集相關資料，紮實地做市場分析同研究，將營商嘅每一個環節想通想透，包括賣乜嘢產品或服務？有何賣點？賣畀邊個？售價如何？點樣控制成本？有咩渠道可接觸準買家？有無可靠嘅供應商？能唔能夠請到足夠人手？點樣應對競爭等等。咁樣先能夠增加創業嘅勝算。

財爺提到，按揭證券公司3年前推出嘅「小型貸款計劃」，就係希望協助有充足準備嘅創業者。佢強調有關計劃唔係慈善工作，必須自負盈虧。財爺解釋唔希望大家隨隨便便輕言創業，否則可能浪費大家嘅時間同金錢，「我認為創業的機會，應該留給做好準備的朋友」。

更多港聞

樹木園境地圖App 推加強版

【明報專訊】市區有唔少綠化景點，部分仲係古樹，好有欣賞價值。發展局綠化、園境及樹木管理組推出新嘅「樹木園境地圖」流動應用程式（圖），用戶可透... 詳情

新民黨年宵賣「理」字產品

【明報專訊】今年維園年宵除咗有大熱嘅羊公仔外，亦有唔少年輕檔主加入政治主題嘅產品，非常可觀。新民黨嘅年宵攤檔噚日正式開幕，主席葉劉淑儀、常務... 詳情

曾鈺成自認缺點有啲「寸」

【明報專訊】?家一講起特首人選，唔少人都會叫立法會主席曾鈺成諗吓，曾主席話對做特首「有一種美好嘅幻想」，相信「如果我做就可以（做好）」。不... 詳情

杜耀明：諗過告親中傳媒

【明報專訊】親建制嘅報紙不時都會以大篇幅報道支持民主派學者嘅負面新聞，浸會大學新聞系助理教授杜耀明噚日話佢亦曾經中招，而佢諗過係咪要以法律途... 詳情