劉慧卿被指轉軚急澄清
[2014.11.11] 發表
【明報專訊】民主黨主席劉慧卿日前接受訪問時話，如果政府嘅政改方案無不合理限制，民主黨可以考慮，點知被人誤會係「轉軚」。噚日卿姐嗱嗱聲澄清，強調喺人大常委8．31嘅政改框架下，係唔會有一個無不合理限制嘅方案，所以向大眾重申，民主黨一定會否決政府提出嘅方案喎。
卿姐日前出席無綫新聞節目《講清講楚》時，提到如果第二階段政改諮詢港府拋出嘅方案無不合理限制，民主黨認為係可以商討。為免言論再遭人批評，卿姐噚日強調，喺人大常委政改框架下，係無法達到一個公平、公正及符合國際標準嘅政改方案，所以民主黨一定會否決。
至於學界提出立法會議員辭職發動「變相公投」，卿姐就話民主黨同泛民都係討論中，因為大家都有唔同意見，需要仔細討論。
更多港聞
【明報專訊】李嘉誠基金會與以色列理工學院（Technion University）合辦「科技夾子營」（Techcracker Lab），全額...
詳情
【明報專訊】教育局2012學年起推行優化學校投訴管理先導計劃，將部分涉及學校的投訴交回學校處理，毋須每每由局方插手，投訴人若不滿結果，可向處...
詳情
相關新聞
