前線警員有櫈坐
[2014.10.23] 發表
【明報專訊】佔領行動噚日第25日，站崗警員凌晨第一次喺旺角佔領區「有櫈坐」 。被形容為磨心嘅警員每日留守佔領區，面對龐大工作壓力同市民指摘，鐵漢都有疲勞嘅一日。
噚日凌晨，約40名警員喺彌敦道及亞皆老街十字路口站崗，企企吓，突然有同僚送嚟20張有椅背嘅膠櫈，畀佢哋坐低執勤，民眾旋即起哄，講笑話差人都攰啦，要搵張櫈坐。警員一開始都不願坐低，只將頭盔放喺膠櫈上，淨係畀個頭盔「休息」 。
不過，對住張櫈咁大「誘惑」，等咗陣，開始有第一個警員坐下，然後就陸陸續續有人坐低唞吓，最高峰有8個警員一字坐下。其中有警員話，每日「企足」十幾粒鐘，兩隻腳都痠軟，?家有櫈坐舒服好多。不過，到清晨8點幾，警員就相繼將膠椅收起放番入警車。
(李澤彤攝)
更多港聞
【明報專訊】以傳理學出名嘅浸會大學，下月將向香港金像獎導演杜琪峯頒發榮譽文學博士，除咗表揚佢多次奪得香港金像獎、金馬獎等，成為獲獎最多既中國...
詳情
【明報專訊】歷史是過去式，以古鑑今卻可令歷史活起來。有中國歷史科教師以孔孟學說講解「公民抗命」的意思、以孫中山由反清時的通緝犯變成國父，說明...
詳情
相關新聞
