關公斷臂 耶穌破頭
警清旺角路障 拆廟拆教堂

警方噚日清晨清走彌敦道嘅「關帝廟」，包括關公像及祭品。（余俊亮攝）

警方到旺角清除路障，彌敦道「教堂」內嘅耶穌像「撞破頭」。（屈俊樂攝）

【明報專訊】旺角佔領區連日來受滿天神佛庇佑，彌敦道「關帝廟」同「教堂」備受矚目，成為佔領區嘅標記。不過，警方噚日清晨突然到旺角清理路障同帳篷，關公同耶穌像最終難逃一劫，同告「受傷」。

市民紙箱保存關公像

由示威者搭建嘅「關帝廟」擺放咗兩個關公像，其中一個仲聲稱已經「開光」，連日來香火鼎盛，有市民放置燒肉、壽包同乳豬頭供奉，更在旁貼上支持保留「關帝廟」嘅字句。但Emily噚日清晨所見，警方展開行動後，一下子就推倒成個「關帝廟」，關公像斷臂，拆下嘅木板就拖到一旁。有市民喺清除路障後，用紙箱保存住兩個關公像。

耶穌像曾被牧師祝聖

至於彌敦道另一邊嘅「教堂」，入面嘅耶穌像「重傷」破頭。負責守「教堂」嘅示威者Robert同Emily講，耶穌像曾經由牧師祝聖，喺警方清拆路障前，曾要求警察畀時間移走聖物，警方亦都答應。警方用咗兩三分鐘清拆路障後，將示威者推往行人路，事後Robert返去執嘢，發現耶穌像爛咗。

更多港聞

Madam警帽扣錯回歸前警徽

【明報專訊】警方噚日凌晨五點幾喺旺角佔領區突然採取行動清障礙，高級警司關翠貞事前向傳媒講解行動，但出現「蝦碌」場面，Emily留意到Mada... 詳情

鬼馬老友賀沈祖堯牛一

【明報專訊】佔中事件爆發後，中文大學校長沈祖堯好擔心參加佔中集會嘅學生人身安全，有晚清場風聲吹得好勁，沈祖堯搵埋港大校長馬斐森，兩個人汗流浹... 詳情

黃之鋒收高達生日禮物

【明報專訊】剛過去嘅星期一（13日）係學民思潮召集人黃之鋒18歲生日，雖然要喺佔領行動中度過，但噚日有市民送「遲來的生日禮物」畀佢。呢份禮物... 詳情