受傷警劇照 馮煒光當真轉發
[2014.10.16] 發表
【明報專訊】警察噚日涉嫌毆打被捕者，社會大眾好關注，但特首辦新聞統籌專員馮煒光就擺咗一個烏龍，將一張劇照當真相片，上載facebook，並留言批評「任何人用暴力都不對。警員因工受傷也值得同情。民主精神包括關愛」，但其實相中著住「警察制服」嘅，係香港電視藝員胡烱龍，相中佢塊臉、手都好似有傷口同血，原來係示範特技化妝！
馮煒光可能太忙，無上網睇清楚消息，呢張相噚日瘋傳，話被打嘅佔中者，曾向警員潑腐蝕性液體云云。有網民發現，留言提佢呢張係劇照，「唔該share前搵source求證，唔好誤導公眾」。
更多港聞
【明報專訊】佔領行動未完，唔少盛事要改期，噚日港鐵同香港業餘田徑總會就「遺憾」宣布，取消原定本月26號喺中環遮打道舉行嘅「港鐵競步賽」，改為...
詳情
相關新聞
