學業進步有獎 民建聯書券贈學生
[2014.08.12] 發表
【明報專訊】旺角富榮花園嘅街坊組織同埋民建聯區議員鍾港武，近日搞咗個「好學生獎勵計劃」，屋苑內嘅中小學生，如果下學期成績比上學期進步，就可以有100元書券獎勵。鍾港武話，千祈唔好叫呢啲做「蛇齋餅糉」，佢話書券係由幾位熱心家長捐贈，並非無條件派發。
鍾港武：唔係蛇齋餅糉
鍾港武同Emily講，獎勵計劃係街訪提出，佢話，唔係所有學生都可以考第一，但如果每次考試成績都有進步，咁就值得嘉許，所以首次舉辦呢項獎勵計劃。佢話，活動不設名額限制，但估計會去領取書券嘅學生唔會太多，唔擔心唔夠錢埋單咁話。
呢項活動由「海泓社區服務協會」主辦，住喺富榮花園嘅學生，只要喺8月15日前，拎埋今年上、下學期成績單副本去協會，就可以攞到書券。
更多港聞
【明報專訊】英超球隊「兵工廠」阿仙奴前晚送3蛋畀曼城，10年嚟首次捧走社區盾，一眾「廠迷」當然好開心。原來「肥龍」許仕仁都係阿仙奴粉絲，噚日...
詳情
相關新聞
