中出辦論壇有猛人嘉賓

[2014.08.01] 發表

【明報專訊】中華出入口商會今年60周年，會長莊成鑫表明會「大搞」，當中最矚目嘅，要數「中出」今年12月16日喺萬豪酒店大禮堂，舉行經濟論壇，請咗前全國人大副委員長成思危，同摩根士丹利亞洲區高層Stephen S. Roach(史蒂芬．羅奇)，講世界經濟同進出口業喺香港嘅作用。史蒂芬．羅奇最近出咗新書，係講中美經濟關係嘅大紅人，上屆政府成立經濟機遇委員會都曾經有佢嘅大名。

不過，原來中出呢個經濟論壇，可能有令人意想不到嘅嘉賓，會務顧問黃定光(象哥)透露，呢個嘉賓或係相當高級嘅內地領導，甚至高級過中央銀行行長。為隆重其事，中出當晚會喺會展大禮堂大擺150圍晚宴，到時會一齊提早舉行中出換屆儀式。