陶大宇被林建明爆再婚 拍拖逾10年終拉埋天窗
【明報專訊】61歲陶大宇被林建明(大姐明)爆再婚,他跟曾任職傳媒、拍拖10多年的女友家儀結婚。
亞視第2屆「香港男士競選」冠軍杜廷豪早前由加拿大返港,日前相約圈中好友林建明等相聚,其間在YouTube個人頻道開直播,大姐明邀請在座的家儀入鏡,杜挺豪指對方是其記者朋友,睇住他入行,十分愛惜他。家儀稱開心再見杜挺豪,讚他的兒子很靚仔;之後又讚大姐明當年十分照顧傳媒。
陶太︰多謝咁多位支持
大姐明突然提議家儀叫陶大宇唱《倒轉地球》,然後說︰「點解我]無啦啦提起呢,係因為佢係陶太!」家儀一臉驚訝望住大姐明,隨後甜笑舉V字手勢。杜挺豪送上恭喜,三人碰杯及擁抱。杜挺豪說︰「我唔知講唔講得嘛!」林建明說︰「無洢Y唔講得,事實就得,唔係韋y,唔係假新聞,總之真實就講得!好事,開心事,唔怕!」家儀說︰「多謝咁多位支持!大姐明講就得啦!」
陶大宇2007年跟首任太太黃慧寶( 阿寶)離婚,回復單身後,跟家儀低調拍拖多年,他曾表示和女友「打風都打唔甩」,有生之年一定會結婚,但要等待適合時間。去年底,陶大宇跟家儀拍拖睇劉德華演唱會。昨日大宇回覆記者恭賀結婚時,他以合十Emoji表示多謝。
娛樂組