【Emily】教局自學平台增「成語迷宮」 過8關有證書
[2025.02.01] 發表
【明報專訊】教育局2021年底建立「中華經典名句網上自學平台」，又每個學年舉辦網上遊戲比賽，局長蔡若蓮噚日喺社交平台介紹，本學年嘅中華經典名句主題係成語，仲祝學生新一年做任何事都能夠胸有成竹，憑磨杵成針嘅精神，勇往直前，努力實現目標。
蔡若蓮話，成語只有寥寥數語，但蘊含中華文化大智慧，新一年嘅網上遊戲比賽已開始，今年增設「成語迷宮」遊戲，鼓勵大家邊玩邊學成語。
雖然話係比賽，但旨在鼓勵學習，所以只係中小學各設團體獎，參與率最高嘅學校會獲發「十八區最踴躍參與學校獎」，而學生完成8關網上遊戲後就可以下載個人電子證書，或者由教師報名兼列印證書。
教育局今個學年精選40個成語，分成5類，分別有關學習、品德、處事、人倫同自然，涵蓋不同程度，仲準備咗幾個小遊戲，測試吓學生學成點。
更多港聞
【Emily】樂齡大使考察灣區院舍 樂試喚人鈴
【明報專訊】退休長者都可以與時並進。社聯同港燈早前推出樂齡大使計劃，吸引超過80名退休長者參與，學習人工智能同可持續發展。呢班大使上月中首次... 詳情
相關新聞
