【Emily】2500熊貓雕塑下周六起「四處」走 眾裏6隻參考本地「六寶」造型

「PANDA GO！香港遊」由法國藝術家Paulo Grangeon擔任藝術顧問，喺2014年舉辦嘅「1600熊貓遊香港‧創意×保育」巡迴展中，Grangeon用紙糊製作嘅1600隻大熊貓喺馬灣展出。（AllRightsReserved提供）

下月7日起在港展出嘅2500隻大熊貓雕塑中，有6隻參考咗盈盈（後排左起）、樂樂，可可（中排左起）、安安，以及港產龍鳳胎家姐（前排左起）同細佬嘅外形特徵而製，其中家姐嘅臉頰兩旁有幼兒毛，細佬嘅幼兒毛就喺頭頂。（AllRightsReserved提供）

【明報專訊】喺暑假期間舉辦多啦A夢巡迴特展嘅主辦單位AllRightsReserved(ARR)又有新搞作，佢哋下月7日起將分別喺星光大道、昂坪360、海洋公園同中山公園舉辦「PANDA GO！香港遊」活動，展出2500隻大熊貓雕塑，市民可以喺眾多雕塑中，搵出6隻參考咗香港現有6隻大熊貓嘅雕塑。

2500隻大熊貓雕塑12月7至8日率先喺尖沙嘴星光大道展出，14至15日轉到昂坪360，21至22日就會去海洋公園，尾站25至26日喺中山公園展出。如果想搵到港產大熊貓龍鳳胎雕塑，可以留意「家姐」臉頰兩旁會有可愛嘅幼兒毛，「細佬」頭頂就有稚氣嘅幼兒毛。

網上售名人作 收益捐海園

主辦單位亦邀請咗11位名人創作獨一無二嘅特別版大熊貓作品，包括身兼音樂人、藝術家等多重身分嘅Pharrell Williams、著名演員兼導演黃渤等。大部分特別版雕塑會喺網上慈善售賣，開放畀公眾競投，全數收益會捐畀海洋公園以支持大熊貓保育工作。

海洋公園上周六為一對龍鳳胎搞百日慶活動，吸引大批熊貓迷入場，並推出靈感嚟自「家姐」一張擺出「超人」姿勢相片而設計嘅毛公仔。大家暫未能同龍鳳胎及新一對大熊貓見面，但園方嘅「大熊貓之旅」已經重開，市民可以同「初為人父」嘅樂樂見吓面先。

更多港聞

【Emily】酒吧協會主席成國安地區導師 話新會員須先參加國安講座

【明報專訊】政府早前推出「國家安全教育地區導師培訓計劃」，畀區議員、地區組織同團體報名參加，香港酒吧業協會主席錢雋永原來都有參與，噚日完成課... 詳情

【Emily】港九D1大學校隊參與 體藝館12?7測籃球賽

【明報專訊】體育專員蔡健斌早前話12月會喺啟德室內體育館（體藝館）舉行籃球測試賽，Emily收到消息，話體藝館喺12月7日（周六）會上演兩場... 詳情

【Emily】鋼琴家過渡房小孩合奏 何永賢：感受各界關懷

【明報專訊】政府近年力推過渡房屋，房屋局長何永賢早前到訪由東華三院營運、位於啟德嘅過渡房屋「啟德?東寓」出席音樂會，當日除咗小朋友住戶有份表... 詳情

【Emily】議員參觀將軍澳醫院 了解手術室5G「智慧」

【明報專訊】將軍澳醫院係其中一間「智慧醫院」，立法會發展智慧城市事宜小組委員會主席葛珮帆、委員陳紹雄同簡慧敏噚日參觀該院專科門診、病房、手術... 詳情

【Emily】江門演練島國救災 消防都有去

【明報專訊】中央應急管理部同廣東省人民政府喺江門市聯合主辦「面向太平洋島國2024一帶一路應急救援演練」，為期5日至噚日結束。本港消防處都有... 詳情