【Emily】貼相籲捐助「家徒四壁」戶 「曙光計劃」捱鬧嘆無奈 網民指屋靚有精油 主席盼先了解
[2024.11.13] 發表
【明報專訊】非牟利組織曙光計劃前日喺facebook上載4張求助者屋企嘅相，話係社工轉介嘅緊急個案，形容係「家徒四壁」。相片所見，成間屋無乜家俬，兩個細路瞓地板，呼籲大家捐款同二手家俬。不過，有網友質疑個單位唔止光猛寬敞，地板仲識「反光」似用靚料，屋企又有大批香薰精油，留言「係豪宅級嘅家徒四壁」、「個地板仲貴過我屋企啲家俬」，鬧爆個計劃「好失敗」。
一家四口 事主術後失工作能力
根據帖文描述，求助人舊年做手術後喪失工作能力，老婆有抑鬱症，一家四口住公屋。曙光計劃主席何峻維噚日同Emily話「好無奈」，「無諗過幫人要畀人鬧」。佢解釋，「家徒四壁」係由社工轉述，單位入面的確無家俬，「呢個形容都好合理」，又話事前唔知個案有精油套裝。
對於有網民質疑計劃無完善審查機制，擔心捐款用錯地方，何峻維話「好相信社工嘅專業」，所以轉介得嘅多數都會幫，就算同事上門度尺時，都唔會多問求助者情况，怕多口會激起佢哋情緒，又話社工有指引，唔建議佢哋多問。
何峻維話經過呢件事之後，個計劃仍會繼續，求助者一蚊都唔使畀，𠵱家已經幫個案搵到部分家俬。佢話「清者自清」，希望網民「了解多啲先」。
更多港聞
【Emily】查電話促銷 揭JPEX涉騙 《明報》消費權益新聞奪兩獎
【明報專訊】消委會噚日舉辦「第24屆消費權益新聞報道獎」頒獎禮，明報奪得兩獎，其中記者李大煒憑「電話促銷系列」偵查報道獲專題特寫獎銅獎，該報... 詳情
【Emily】立會傾鼠患 張宇人倡食肆「拉閘放貓」
【明報專訊】立法會食物安全及環境衛生事務委員會噚日開會，由環境及生態局介紹《施政報告》嘅政策措施，多名議員關注鼠患，其中飲食界張宇人提出，希... 詳情
【明報專訊】據Emily了解，政府近日內部招聘行政主任（EO）到香港駐倫敦經貿辦，擔任行政主任（行政）（Executive Officer（...
詳情
【Emily】利東街亮起蕾絲聖誕燈飾 周末《藍精靈》藝術日
【明報專訊】距離聖誕節仲有個多月，灣仔利東街率先為今年嘅聖誕裝置亮燈，佢哋同比利時設計團隊合作，將比利時傳統蕾絲工藝融入現代燈飾。利東街仲同... 詳情
學校推薦直入大學 高材生讀音樂 教局稱樂見學生不湧入「神科」
【明報專訊】學校推薦直接錄取計劃（SNDAS）讓具特殊才華的學生，在中學文憑試（DSE）放榜前，有機會被大學提早取錄。其中保良局董玉娣中學畢... 詳情相關新聞
