【Emily】MOS BURGER 60秒180下跳繩挑戰惹熱議 網民：䟴腳都未必得
[2024.10.12] 發表
【明報專訊】日式漢堡包店MOS BURGER(摩斯漢堡)香港分店日前喺社交媒體向食客「下戰書」，話只要喺1分鐘內跳繩180下，就可以免費食到一個「元氣漢堡」。「挑戰狀」發出咗唔夠兩日，引來網民熱烈討論，其中有網民留言話「1分鐘䟴腳180下都未必得」，直指呢個挑戰「好離地」。
港績3分鐘552下
除開僅達標
1分鐘跳180下繩係咩程度呢？簡單嚟講即係1秒鐘跳3下。翻查紀錄，香港男子跳繩代表隊梁潤新去年喺世界跳繩錦標賽嘅3分鐘男子個人耐力賽贏得冠軍，3分鐘跳咗552下，刷新香港紀錄。換算番，即係平均1分鐘跳184下——勉強贏到個漢堡。
教練提醒挑戰者：
雙腳勿太離地
呢個挑戰係一日限定，下星期一(14日)分別喺MOS BURGER九龍灣同筲箕灣分店舉行。市民只要喺店內有任何消費，就可以獲得一次挑戰機會。不過點都好，跳繩始終係高強度運動，Emily都睇過跳繩教練嘅建議，跳繩嘅時候可以避免握繩太實同跳得過高，除咗有效減少疲累，亦都可以提升流暢度。
更多港聞
【Emily】公民科廣東省首團 120師生遊丹霞入韶關鋼廠
【明報專訊】高中公民與社會發展科規定學生必須赴內地考察，教育局長蔡若蓮噚日喺社交平台分享，新學年嘅公民科內地考察已啟動，廣東省首發團日前出發... 詳情
【Emily】環球資源香港展 「黑悟空」熱潮 帶旺遊戲配件
【明報專訊】環球資源香港展噚日起一連4日喺亞博館舉行，設有消費電子及電子元件兩個展區，有超過2000間來自內地及世界各地嘅供應商參展，提供電... 詳情
【Emily】陳健波化身影評人 讚《城寨》情義精神
【明報專訊】「入得嚟城寨，你幫人、人幫你。」港產片《九龍城寨之圍城》叫好叫座，立法會議員陳健波噚日亦化身影評KOL，喺facebook上載短... 詳情相關新聞
