【Emily】東涌延線改軌道 「外援」幫手 港鐵奧地利引道碴搗固機
[2024.09.19] 發表
【明報專訊】港鐵東涌線延線工程去年動工，正興建兩個新站，預計2029年建成，其中要喺原有路段做大型路軌改道工程，喺10月26日(周六)要提早約兩小時收車施工。喺原有路軌上改道並唔簡單，港鐵今次都要輸入「外援」幫忙，就係來自奧地利嘅「道碴搗固機」(Tamping Machine)，港鐵話機器好快會運到香港投入工作，而港鐵噚日率先將「道碴搗固機」介紹畀大家，見到機器一身黃色鐵甲造型，外型如同一個巨型嘅舊式火車頭。
準確偵測高度 靈活移動
港鐵話，「道碴搗固機」負責非常重要嘅軌道調校工序，仲話佢有「腦袋」，可以準確偵測路軌高度，亦可靈活地左右移動同升高路軌嘅位置，令同事能夠更快將「波口」(即路軌轉接位)同路軌調校至目標高度同角度，部機仲有強勁「臂彎」去移動路軌同搗固道碴，平整路軌上嘅道碴工序，令路軌喺第二日行車時好似平時咁暢順。
港鐵話，港鐵東涌線延線工程已展開，為咗唔影響東涌線日常運作，工程團隊同事每晚都要利用「黃金兩小時」逐吋逐吋調校路軌，直至改道完成。
更多港聞
【Emily】宏信書院建航天教育實驗室 每周設兩節課
【明報專訊】今個新學年，位於元朗嘅基督教香港信義會宏信書院將加強航天科技教育，包括同中國宇航學會合作，10月下旬喺校園建成全港首間航天教育實... 詳情
【Emily】探古兼賀國慶 民安隊新舊團員遊鍾氏古屋
【明報專訊】民安隊位於荃灣嘅訓練場圓墩營，內有歷史建築物。民安隊噚日喺圓墩營舉辦「探古尋源賀國慶暨圓墩鍾氏古屋博物館開放日」，邀請200多名... 詳情
【Emily】AI湯文龍宣傳律師會兩岸四地論壇
【明報專訊】香港律師會今起一連兩日舉辦「海峽兩岸暨香港澳門青年律師論壇」，內地、港澳及台灣四地嘅法律界人士將就法律議題及執業經驗交流。今年論... 詳情
【明報專訊】香港與東盟十國簽署嘅《自由貿易協定》今年初增加涵蓋產品類別，商經局長丘應樺今日（19日）出訪老撾，出席第八屆「中國香港─東南亞國...
詳情
相關新聞
