【Emily】香山旅遊峰會港4月首辦 400國家地區料參與

粵港澳三地明年合辦全運會，文體旅局長楊潤雄（左）前日喺北京向國家體育總局長高志丹（右）匯報本港籌備全運會嘅工作進展。（楊潤雄fb）

【明報專訊】正喺北京訪問嘅文體旅局長楊潤雄噚日下晝出席咗2024世界旅遊合作與發展大會，見證旅發局同世界旅遊城市聯合會簽署合作備忘錄，其中明年4月香港會首度舉辦香山旅遊峰會，預計約有400個不同國家地區嘅業界來港，參與世界旅遊城市聯合會理事會會議、專題演講、旅遊推介會、交易會及展覽等活動。

楊潤雄訪國家體育總局匯報全運籌備

明年由粵港澳三地合辦嘅全運會正密鑼緊鼓籌辦。楊潤雄前日就喺北京向國家體育總局長高志丹匯報本港籌備全運會嘅進展，確認本港除8個競賽項目外，同時將負責兩項跨境賽事嘅安排、信息系統、宣傳等，即係田徑馬拉松及公路單車。文體旅局噚日未提到兩項跨境賽事嘅路線，翻查資料，政務司長陳國基今年7月話有關路線嘅最後決定尚未落實；佢又話對出入境安全「比較緊張」，因為運動員唔可能跑到口岸時排隊過關，不排除以預先登記解決。

楊潤雄又去咗遊北京胡同，體驗「城市漫步」旅遊方式，佢話由政府完善經典旅遊路線嘅配套，規劃同包裝設計沿線嘅特色，可以提升地道旅遊體驗，令遊客感受「寓旅遊於文化和歷史」，值得香港參考。

更多港聞

【Emily】維園綵燈城寨feel 有巨型發光叉燒飯

【明報專訊】康文署今年分別喺維園、香港文化中心露天廣場同青衣公園舉辦中秋綵燈會，食住早前大賣嘅電影《九龍城寨》熱潮，維園搭建咗本地大牌檔場景... 詳情

【Emily】畫中人一手六指 建造學院宣傳圖下架

【明報專訊】建造業人手不足，除咗輸入外勞，亦要加緊培訓本地工人，為吸引更多人入行，香港建造學院最近不時用漫畫宣傳。Emily噚日發現，學院有... 詳情

【Emily】中秋金多寶正日攪珠 獨中8000萬

【明報專訊】六合彩中秋金多寶下周二（17日）中秋夜攪珠，若10元一注中頭獎，幸運兒可捧走8000萬元，過一個歡樂中秋，而市民即日起已可買飛，... 詳情

【Emily】巨型國慶海報得一半 產業署：未來幾日完成

【明報專訊】75周年國慶臨近，全港多區都掛上唔少海報、國旗同區旗慶祝。Emily近日留意到，喺啟德嘅工業貿易大樓外牆掛咗一幅得大約一半嘅巨型... 詳情

【Emily】廠商會慶90年 年底推「碳抵消」平台

【明報專訊】廠商會今年成立90周年，噚晚舉行誌慶晚宴。會長盧金榮話廠商會今年底會推出綠色平台，畀業界及公眾透過「碳積分」進行「碳抵消」，係首... 詳情