【Emily】賀港將奪牌 工展購物節加碼派福袋

廠商會「第4屆工展會購物節」噚日�魒�博館開鑼，首日免費入場，加上有唔少商戶推「一蚊」優惠，吸引唔少市民到場。（曾憲宗攝）

【明報專訊】工展會購物節噚日開幕，為慶祝港隊運動員�鬗睅介纗B奪得4個獎牌，首日可免費入場，亦加碼派福袋。現場睇落人頭湧湧，有人帶埋購物「戰車」掃貨，廠商會會長盧金榮致辭話，希望今屆展會可為零售業帶來「暖流」，激發消費力，同時會免費派飛畀旅客，吸引佢�]入場。

今屆購物節分6個主題區，包括食品飲料、糧油麵食、參茸海味、保健產品等，一如往年，唔少展商以「1蚊」作招徠，試食區好多人，今屆亦新增「Chill飲Chill食區」，佈置成酒吧一樣，主要展出各式酒品、佐酒小食，亦有調酒師即場調製雞尾酒。

購物節�魒�洲國際博覽館舉行，下周一(5日)晚7點結束，入場費10元，身高1米或以下小童、65歲或以上長者及殘疾人免費，每日首180人入場可獲贈福袋。大會提供3條免費接駁巴士線，來往荃灣、屯門、天水圍至亞博。