• 2024.05.09
    星期四

【Emily】屋邨商場空置率2.9% 深水埗區逾5%最高

[2024.05.09] 發表
圖為深水埗麗翠商場,昨午見到部分商舖空置,有市民喺舖外跳繩。房屋局話過去一年全港屋邨商場整體空置率2.93%,18區中深水埗最高,達逾5%;深水埗麗翠商場空置率達15%。(鄧宗弘攝)

【明報專訊】房委會轄下多個公共屋邨商場近日「吉舖」增加,房屋局長何永賢噚日書面回應立法會九龍西議員鄭泳舜質詢,話截至3月底,過去一年全港屋邨商場整體空置率2.93%,18區中深水埗最高,達逾5%;而深水埗7個屋邨商場,麗翠商場空置率達15%屬最高。

房局:近年多商場落成 5年增296舖

不過,房屋局亦強調,近年唔少新商場喺多區落成,過去5年新落成商場有15個,新增店舖亦有296間;房屋署會採取靈活租賃策略,喺技術可行情况下,考慮將商舖改作其他合適行業,務求提高出租率,同埋提供適切和多元化購物及服務選擇。

Emily噚日去咗麗翠商場行一轉,個場其實幾細,見到有六七個「吉舖」招租。有街坊話因為商場位置唔顯眼,附近亦有好多食肆同商舖選擇,以致人流較少;亦有商戶嘆生意難做,之前新冠疫情期間有租金寬免,疫後無咗寬免但生意無起色,經營更難,希望房署喺商場當眼位置加設「水牌」,令多啲客人嚟光顧。

鄭泳舜亦同Emily話,屋邨商舖空置情况惡化係全港問題;佢又舉例南山商場雖然空置率係零,但街坊話其實啲舖頭好多時都無開門做生意。鄭泳舜促請房委會研究提供優惠租金「搶商戶」,同埋喺招租方面加強宣傳,希望可以改善商舖空置情况。

更多港聞
【Emily】楊潤雄不點名批袁彌昌劣幣論 容海恩加把嘴
【明報專訊】五一黃金周已結束,學者及專欄作者袁彌昌日前喺報章撰文,質疑來港嘅旅客消費低,提及「一場辛苦為誰忙」及「劣幣驅逐良幣」論述,惹來文... 詳情
【Emily】中大防近視研究膺中國重要醫學進展
【明報專訊】中國醫學科學院日前公布《中國2023年度重要醫學進展》名單,中大醫學院一項研究獲選為「臨牀醫學領域」重要醫學進展,係本年度香港唯... 詳情
婆婆上堂 學與自閉孫同跑同跳 跨代照顧原不懂相處 笑言今變黐身
【明報專訊】「我知道他(外孫)和其他小朋友不一樣,但我不知道要如何處理。」62歲的蘇女士兩年前乍聞外孫確診自閉症譜系障礙(ASD),有語言及... 詳情
【明報專訊】中文大學中國語言及文學系11名校友周一(6日)發起公開聯署,要求系方公開交代未經授權下出版及販售學生作品的來龍去脈,並要求承諾日... 詳情
【明報專訊】2017/18學年起推行的「開放學校設施推動體育發展計劃」鼓勵公營學校借場予體育團體舉辦體育活動。教育局昨日致函學校,邀請學校下... 詳情

明報網站 · 版權所有 · 不得轉載
Copyright © 2021 mingpaocanada.com All rights reserved.
Ming Pao Daily News A wholly owned subsidiary of Ming Pao Enterprise Corporation Ltd.
Vancouver Chinese Newspaper

5368 Parkwood Place, Richmond B.C. V6V 2N1 | Tel.: (604) 231-8998 | Fax: (604) 231-9881/9884 | Advertising Hotline Tel.: (604) 231-8992