【Emily】鄧家彪顏汶羽新年衫 撞到應一應
[2024.02.19] 發表
【明報專訊】正月初唔少團體及地區組織都搞團拜活動，地區直選議員更忙碌，要跑幾場活動及開街站同街坊拜年。藍田匯景花園噚日搞舞獅活動，兩名九龍東當區議員鄧家彪(右)及顏汶羽(左)除咗同場現身，仲「撞衫」，著埋同款大紅色金邊袖嘅賀年衫，兩人唔介意並開心合照。鄧家彪話，其實男士賀年衫款式唔多，賀年衫隨時會變咗拜年制服。顏汶羽就話，男裝新年衫成日都撞衫撞色撞款，睇嚟要去搵吓新裝先得。
二人新春睇嚟都係一衫走天涯，睇番顏汶羽嘅社交媒體，佢近日去咗唔同場合團拜，都係著同一款戰衣，好環保；阿彪噚日至少跑兩場，見佢去佛教慧眾會活動，都係著同款衫，同場有其他男嘉賓著嘅賀年衫同阿彪著嘅都係熟口熟面。
更多港聞
【Emily】工聯花車巡港島 吳秋北孖財神派糖
【明報專訊】工聯會噚日舉行新春花車巡遊，到港島多區向市民拜年，該會會長吳秋北、立法會議員郭偉强及多名區議員參與，其中吳秋北（中）與「財神」到... 詳情
相關新聞
