【Emily】《香港志．自然》「助了解香港地香港人由來」
[2023.11.30] 發表
【明報專訊】香港地方志中心噚日舉辦《香港志．自然》出版典禮暨環境生態論壇，環境及生態局長謝展寰、中聯辦宣傳文體部副部長張國義等30名嘉賓獲邀共同主禮。中心話呢本書全方位介紹香港自然生態以及香港同國家「一脈相連」嘅歷史源流，可以幫助市民深入了解「香港地」同「香港人」嘅由來。
至於環境生態論壇，就請來環境科學家、非政府組織代表、企業家同商界組織代表，就環境治理嘅政策措施，以及環境、社會和管治(ESG)議題展開兩場討論。謝展寰致辭時趁機宣傳政策，除咗提及明年會喺沙頭角紅花嶺一帶設立第25個郊野公園，北大嶼會設第8個海岸公園，仲話發展北部都會區，都會積極推進各項自然保育項目。
全書約有140萬字，由67名專家學者領銜撰寫及擔任評審。書分為五卷四冊，係香港地理與環境嘅叢書中首次結合自然科學同人文歷史，以「全景方式」記錄從古至今香港嘅地區概况、人口、自然環境、自然資源與生態、環境保護與生態保育嘅發展歷程同演變。
更多港聞
【Emily】蝴蝶山區選論壇 有候選人自稱蝴蝶姐姐
【明報專訊】由再出發大聯盟舉辦嘅區議會選舉論壇噚日第二日，新界地方直選候選人獲邀參加，有報稱無政治聯繫嘅候選人就將自己暱稱同選舉扣連，希望令... 詳情
【Emily】研究劏房建議要10個月 議員嫌慢
【明報專訊】立法會噚日早上舉行暑假休會後首場前廳交流會，由副財政司長黃偉綸率領官員出席。對於有議員質疑「解決劏房問題」工作組要用10個月研究... 詳情
【明報專訊】小學常識科將於2025/26年分拆成「人文科」及「科學科」，學校可率先在下學年試行。教育局表示，將為科學科教師提供在職培訓，其中...
詳情
相關新聞
