【Emily】廟街夜市未傾掂 楊潤雄料押後年底推 指運署要求攤檔「朝搭晚拆」 商會：邊度搵地方擺
[2023.10.31] 發表
【明報專訊】為咗配合一系列「香港夜繽紛」，政府原本計劃下月推廣廟街夜市，不過，文化體育及旅遊局長楊潤雄話因為廟街夜市涉及好多細節問題，或者12月先可以推出到。油麻地廟街販商商會就話，係因為運輸署希望佢哋每晚都將攤檔收走，呢方面仲未傾得埋，所以籌備工作撠住咗。
立法會經濟發展事務委員會噚日討論本港嘅旅遊政策，議員鄭泳舜就關注政府喺推動廟街上有冇初步方案同時間表。楊潤雄回覆話旅發局仲同檔販商討，因為涉及大量細節問題，估計要到11月尾或者12月初公布安排，12月初至12月中先推到出嚟。
政府之前講法係希望11月喺廟街做推廣。油麻地廟街販商商會副主席李章同Emily講，係因為運輸署要求攤檔「朝搭晚拆」，夜晚啲熟食車一定要車走，留番畀大型緊急車輛駛過，但有啲大型檔想晚上可以留喺原位。佢話，𠵱家仲同運輸署傾緊，未知幾時傾得成，「你唔係一架半架呀嘛，仲有成廿幾架，邊度搵地方擺」。
其他事項已OK 商會料搞得成
李章又話，其他事項例如人手方面大致上「已經OK」，只係運輸署呢邊撠住咗，變咗其他嘢都郁唔到，「唔開得波，我哋都唔敢再詳細同其他人傾」。佢又話相信順住香港夜繽紛嘅勢，相信廟街夜市都會搞得成，到時會多啲唔同嘅食檔。
更多港聞
【Emily】保護遺棄動物會要搬址 募捐應付「大遷徙」
【明報專訊】收容動物嘅團體「保護遺棄動物協會（簡稱SAA）」噚日話，11月展開一項名為「SAA動物大遷徙月捐計劃」，原因係佢哋用咗多年、喺元... 詳情
【明報專訊】康文署宣布聽日（11月1日）起申請明年2月1日或之後租用轄下6個指定康樂場地舉行婚禮嘅收費將調整，不足一小時亦當一小時計算，今日...
詳情
【明報專訊】因民主派初選案被還押嘅戴耀廷（Benny），目前羈押喺赤柱監獄，立法會前議員邵家臻噚日去探佢，話Benny喺獄中學日文，剛剛學識...
詳情
【Emily】400初中生訪工程公司 動手「施工」
【明報專訊】政府近年推動STEM（科學、科技、工程、數學）教育，並大力發展創科。有青年組織日前就舉辦活動，安排逾400名來自約30間學校嘅中... 詳情相關新聞
