【Emily】鄧家彪倡觀塘海濱市集長辦 江玉歡憂永久夜市令海濱不倫不類
[2023.10.03] 發表
【明報專訊】為刺激晚上市道，政府於灣仔、西環及觀塘舉行夜市，工聯會鄧家彪建議擴大觀塘海濱市集嘅規模，並轉為長期性質。立法會選委界別議員江玉歡(Doreen)就喺facebook不點名質疑，稱觀塘發展成核心商業區(CBD)與啟德嘅計劃已同昔日嘅宏圖大計有差距，如果加埋永久夜市會變得不倫不類，反建議做高價值嘅餐飲區。
籲「勿將珍珠變膠珠」
鄧家彪噚日接受港台《千禧年代》訪問，認為現時觀塘嘅夜市規模較細，亦只屬短期性質，話觀塘海濱有潛力設長期夜市，例如市民放工後可去夜市，亦可配合啟德體育園發展成旅遊景點。Doreen隨後喺facebook以「勿將『珍珠』變『膠珠』」為題，話畀市民放鬆同帶旺經濟係兩回事，認為夜市可以提供另類體驗，但佢反問，市民放工後點會有閒情逸致去海濱吹風？
倡維港兩岸設高價值餐飲區
Doreen認為維港景色最能吸引人，但𠵱家喺維港兩岸難以搵到「似樣」嘅咖啡店，建議政府考慮喺維港兩岸嘅中心地帶設高價值嘅餐飲區，仿效外國善用環境發展高增值消費區，像阿根廷Puerto Madero嘅河邊區、新加坡嘅Esplanade及碼頭消閒中心等。佢仲話，維港夜市「救我們一時，救不了一世」，冀政府周詳規劃，「唔好將珍珠變膠珠」。
更多港聞
【Emily】探稀有生物海洋地貌 虛擬深海體驗館2025落戶航天城
【明報專訊】近年唔少展覽都加入沉浸式體驗元素，務求令大家身歷其境。由K11集團與國際級娛樂科技體驗集團Falcon's Beyond創製嘅「... 詳情
【Emily】赴港大演講超時 葉劉：同學熱情唔肯走
【明報專訊】做過政務官、問責官員嘅立法會議員兼行政會議召集人葉劉淑儀，早前應港大政治與公共行政學系榮休教授卜約翰（John Burns）邀請... 詳情
【Emily】蘇富比秋拍 估價兩億藍鑽矚目 首設史前異獸拍賣 有鈎鼻龍化石
【明報專訊】香港蘇富比嘅秋季拍賣會噚日開鑼，除咗傳統嘅藝術品同美酒名表外，為紀念蘇富比喺亞洲50年歷史，今次嘅焦點係一枚11.28卡嘅艷彩藍... 詳情
校本評核參考AI須列明 考評局：遞交軟件生成作品視同抄襲
【明報專訊】2024年中學文憑試（DSE）將有12個甲類高中科目設校本評核（SBA）。考評局早前更新「校本評核簡介小冊子」，新增學生使用人工... 詳情相關新聞
