【Emily】促修例懲白牌車 的士申停擺被拒 稱警暗示臨近國慶
[2023.09.28] 發表
【明報專訊】香港的士小巴商總會上月初寫信畀運輸及物流局，要求局方修例嚴懲「白牌車」，否則會發動500至1000架的士停擺抗議；總會理事長周國強噚日同Emily講，上個禮拜聯同的士車行車主協會正式向警方申請不反對通知書，原本打算號召約600架的士今日喺政府總部一帶停擺，但警方會面時，似有暗示因臨近中秋同國慶，暫時唔會批准，總會只好撤回申請。
周國強話，本月初收到局方回覆信，重申已經提議修例提高非法出租同載客取酬嘅罰則，無正面回應會否嚴懲網上平台，總會覺得好失望，決定申請停擺。至於同警方嘅會面，周形容警方「一嚟已有少少開門見山」，講明近期到10月中都唔會再處理佢哋呢類申請，並引述對方話「有啲國慶慶祝活動都唔批，何况係你哋」，令佢覺得警方暗示最近搞集會示威會影響形象同國慶安排。
600架改10多架都被拒
周國強又話，警方曾提出參與嘅的士數量太多，佢哋於是提出改為10多架，但都被拒絕，佢引述警方解釋𠵱家情况同以前不同，唔會批准影響到交通擠塞嘅活動。周國強向Emily慨嘆，警方提好多問題，「總之就唔想你示威」，總會雖然「都明嘅」，但難免失望，所以為回應會員訴求，今日會改為喺政總交請願信，唔排除過咗「敏感時間」會再申請停擺。
更多港聞
【Emily】區旗徽例法案會問「隨意」棄定義 江玉歡：會睇吓垃圾桶
【明報專訊】立法會討論修訂區旗及區徽條例嘅法案委員會噚日召開首次會議，修例目的係盡量與經修訂《國旗及國徽條例》及《國歌條例》保持一致。 ... 詳情
【明報專訊】中秋國慶長假期將至，兩間專營巴士公司噚日都宣布會推十．一國慶優惠，國慶當日小童用八達通可以免費搭大部分九巴同龍運日間巴士路線，K...
詳情
【Emily】星之子：唔夠主動者或快被AI取代
【明報專訊】ChatGPT（AI聊天機械人）等科技突破，引發廣泛討論人工智能係咪會有一日取代人類，「星之子」陳易希接受恒生大學節目《恒傳感言... 詳情
【Emily】林順潮落區 快測包派長者「看門口」
【明報專訊】明日中秋節，一眾議員節日前夕紛紛落區，其中被指較少參與立法會事務嘅選委界別議員林順潮，亦聯同觀塘區議會主席柯創盛一齊落區，到鯉魚... 詳情
【明報專訊】明年中學文憑試（DSE）會否設內地試場存變數。兩間港人子弟學校日前獲准成為下年中學文憑試（DSE）「與考學校」，可保送合資格考生...
詳情
相關新聞
