【Emily】讚雨後行善 特首：港可成國際慈善中心
[2023.09.12] 發表
【明報專訊】特首李家超噚日喺馬會嘅慈善論壇上，提到上周四(7日)暴雨後有唔少義工、公務員同埋非政府組織等幫手清理街道同埋幫助有需要嘅人，認為社會嘅同情心同埋慷慨有助香港成為「國際慈善中心」。
香港賽馬會慈善信託基金噚日舉辦「2023香港國際慈善論壇」，李家超出席開幕儀式時話，世界正面對氣候變化、貧窮等問題，慈善事業可以係應對問題嘅重要工具，而香港可以成為國際社會溝通嘅場所，政府將會繼續鼓勵跨界別同埋公私營合作。佢又話，香港擁有世界一流嘅金融服務業，可以為慈善家提供專業服務、工具同資源；申請慈善免稅資格亦都較以往容易，家族辦公室同時有稅務優惠。
馬會設研究院 推動慈善專業化
馬會就宣布成立「公益慈善研究院」，將撥款50億元作為初始基金。馬會主席利子厚話希望透過成立研究院，向業界提供可靠嘅公益慈善知識，加強本地、區域以至全球慈善界專業化。
值得留意嘅係，馬會講明呢筆錢唔係只支持本地慈善工作，而係「為中國以至全亞洲的公益慈善事業作出貢獻」，工作包括搞區域同埋全球的大型交流活動，連結不同嘅持份者，以及與其他機構合作，通過各種合作方式如聯名出版、案例研究、聯合策動和共同捐助項目等，整合並傳揚有關公益慈善領域嘅知識。
更多港聞
【Emily】回鄉傳亞運聖火 陳仲尼：無上光榮
【明報專訊】杭州亞運9月23日就揭幕，民建聯立法會議員陳仲尼（Rock）獲選為火炬手，噚日到家鄉浙江紹興參與火炬傳遞。Rock話對於有幸成為... 詳情
【Emily】軍事夏令營晚會 李家超劉光源出席
【明報專訊】特首李家超、中聯辦副主任劉光源、外交部駐港特派員公署副特派員方建明，噚日出席第16屆香港青少年軍事夏令營慶祝晚會，同時慶祝新中國... 詳情
缺席公民科內地考察 須補赴 教局：倘整個高中階段未能補 不處分
【明報專訊】高中公民與社會發展科規定學生必須赴內地考察，所有中學上學年已安排首屆學生出發。教育局稱，學校須為缺席生安排參與其他內地考察或交流... 詳情
【明報專訊】浸大領導的研究團隊制訂「香港社會融合指數（SFSIS）」，作為一項調查工具。他們選定5個主要的邊緣群體包括長者、少數族裔、殘疾人...
詳情
相關新聞
