【Emily】勉內地實習法律系港生 林定國：登高望遠
[2023.09.04] 發表
【明報專訊】「香港法律系學生在內地暑期實習計劃」8名實習生，早排去咗內地與法律相關嘅政府部門或機構體驗3星期，並舉辦感謝晚宴。律政司長林定國(右一)喺北京時出席，佢喺社交平台發文話，學生可透過實習計劃認識不同法域嘅法律制度，見識國家將科技應用至法律審訊層面情况，並學習從不同角度思考及分析問題。
律政司2015年起主辦實習計劃，畀唔同院校嘅大學生喺律政司完成兩周實習後，再到內地與法律相關政府部門或機構體驗3周。今年係新冠疫情後首次復辦，實習生有機會到司法部、最高人民法院、最高人民檢察院、外交部等，透過參觀、座談、交流、旁聽案件和協助準備司法文書等感受多樣化嘅實習內容；周末可以遊覽古北水鎮、司馬台長城等景點。
林定國勉勵實習生，話期望佢哋明白自己唔止係香港嘅年輕人，仲係喺香港生活嘅中國年輕人。佢話：「我們必須以登高望遠的高度及視野看待問題，大家不能單從香港的角度看待事情，要從國家的層面思考香港問題。」
更多港聞
13歲兄弟讀大學 「是努力不是神童」 疫下自學奪佳績 稱大哥初中升港大激勵「帶路」
【明報專訊】劉氏這一家，三兄弟均先後由初中「跳級」至大學。鴻志去年以13歲之齡考進香港大學，比他年幼一歲的孿生弟弟鴻軒及鴻轅，今年考獲國際高... 詳情
相關新聞
