【Emily】睇岩洞工程技術 議員有讚無彈
[2023.08.30] 發表
【明報專訊】香港向來尺金寸土，政府覓地方式層出不窮。立法會工務小組委員會議員噚日去睇沙田女婆山岩洞工程，沙田污水處理廠會搬入山洞。今次考察時佢哋睇智能化鑿岩台車、混合虛擬實境同爆破工程監督系統等工程設備。唔少議員大讚工地採用嘅技術，例如覺得「工地當中通風照明亦到位」、「遙距精準爆破等技術全程保護工人生命安全」。議員基本上對計劃「有讚無彈」。
選委界議員林振昇就話，沙田污水廠搬入山洞後可以騰出約28公頃用地，主要會用喺創科方面。同為選委界議員嘅尚海龍就覺得，土地可用作科學園擴展。議員陳沛良就希望當局盡早規劃及展開工程研究，並就土地用途諮詢公眾。
更多港聞
相關新聞
