【Emily】藝術家用裸眼3D效果 海鮮「跳上水」 中環街市AI活化舊魚檔

中環街市噚日慶祝開幕兩周年，負責「重現」昔日魚檔模樣嘅視覺及數碼藝術家黃宏達（圖）話，除咗認識魚檔歷史，亦盼透過設計帶出環保信息，以前少用膠袋，只靠鹹水草、報紙包裝，符合環保，認為環保、保育、活化都連成一線。（朱安妮攝）

視覺及數碼藝術家黃宏達利用人工智能同電影特效，於中環街市還原同活化1950年代嘅魚檔「釗記號」，透過3D投射裝置模擬魚缸，可以見到「魚」喺缸內游來游去，仲可以同虛擬檔主（圖右）自拍。（朱安妮攝）

黃宏達嘅團隊以人手製作咗50幾條魚，包括鰨沙、䱽魚等，用咗幾個月逐條「魚」上色，還原光澤同質感，保鮮用嘅「碎冰」都好似。（朱安妮攝）

【明報專訊】中環街市噚日慶祝開幕兩周年，並展出經活化後作展覽用途嘅「魚檔」。市建局早前委託視覺及數碼藝術家黃宏達，利用人工智能(AI)及電影特效還原1950年代嘅魚檔「釗記號」，展出幾十條人手畫嘅魚，又透過3D投射裝置，模擬魚喺水缸內游動，畀公眾了解昔日魚檔風貌。

團隊根據魚檔嘅歷史圖片佈置場景，包括水缸上面嘅木桶、包裝用嘅鹹水草等。至於魚檔枱面，團隊用咗幾個月製作50幾條「魚」，逐條上色，還原魚嘅光澤同質感，連保鮮用嘅「碎冰」都係電影級道具，高度還原魚檔擺設。黃宏達話，𠵱家流行「裸眼3D」，團隊於是透過人眼嘅視覺，喺平面上塑造魚缸嘅立體感，呢個3D裸視嘅立體裝置，可以見到「魚」喺缸內游來游去，仲會不時「跳出水」。

設互動裝置 可同「檔主」自拍

魚檔另一互動裝置，市建局搵咗一名員工扮演「釗記號」檔主嘅孫，仲會現場演繹魚販會講嘅對白，同主動邀請參觀市民「自拍」。黃宏達話透過電影特效，將實時互動同預先錄製嘅片段結合，市民可以即時喺鏡頭見到自己，同昔日嘅檔主同框影相，用手機scan完QR Code後仲會即刻收到張自拍相。佢話時下年輕人多着重用手機，呢種互動媒體正適合用於保育工作，重現1950年代場景之餘，又可吸引更多市民。

更多港聞

【Emily】回應表決出席率 林新強：料議員會檢點啲

【明報專訊】上任超過一年半嘅立法會法律界議員林新強，其首個議員辦事處噚日開幕，佢致辭時講笑話，揀喺元朗開辦事處一來自己係新界人，二來係被中聯... 詳情

【Emily】訪橫琴澳門社區 李慧琼話學到嘢

【明報專訊】立法會暑假休會，政黨、議員外訪一個接一個，民建聯噚日去珠海考察，參觀位於橫琴嘅「澳門新街坊」項目。項目係澳門政府同珠海市政府喺內... 詳情

【Emily】特首同歐盟使節午餐 帶埋負責經貿常秘

【明報專訊】政府官員喺新冠疫後多咗見不同界別人士，特首李家超上周同歐盟駐港使節都按慣例每半年共晉午餐。Emily留意到，除咗司局長，比較少有... 詳情

【Emily】警隊二把手退休 寄語同袍要有「心思」

【明報專訊】副警務處長（行動）袁旭健噚日起展開退休前休假，由周一鳴接替其職位。袁旭健日前接受警隊官方刊物《警聲》訪問，提到37年警務生涯中，... 詳情

【Emily】食雲南「魔幻菇」 耶倫令京食店熱爆

【明報專訊】美國財長耶倫（Janet Yellen）上月訪華時，第一餐就喺北京三里屯餐廳食雲南菜，其中一道菜係牛肝菌「見手青」，引起內地網民... 詳情