【Emily】下月掌房署 羅淑佩房委開會熱身

將調任房屋署長嘅運輸署長羅淑佩（面向鏡頭右），噚日出席房委會周年特別公開會議，獲得房屋局長兼房委會主席何永賢（面向鏡頭左）及房委會委員嘅祝福。（楊柏賢攝）

【明報專訊】早前親身視察紅隧實施易通行嘅運輸署長羅淑佩，原來已為房屋工作「熱身」。Emily發現佢噚日以候任房屋署長身分出席房委會周年特別公開會議，聽取委員意見，為下月28日嘅房委會公開例會做準備，相信屆時佢會正式以署長身分回應委員意見。

羅淑佩下月15日接替退休嘅王天予做房屋局常任秘書長兼房屋署長。羅噚日出席會議時，除咗房屋局長兼房委會主席何永賢對佢表示「好有信心」，佢仲得到唔少委員祝福，當中葉傲冬話期望佢「將喺運輸署嘅幹勁帶去房署」。

委員鼓勵多幫襯屋邨商戶

另外，同時擔任房委會商業樓宇小組委員會主席嘅劉詩韻，就鼓勵委員同羅淑佩多啲幫襯房委會旗下嘅民生設施，撐吓屋邨經濟，因為減租唔係長遠方法。

委員噚日亦多謝服務政府34年嘅王天予，祝佢退休生活愉快。房署回覆，原來王喺上周六(22日)已展開退休前休假。

更多港聞

【Emily】栗戰書女兒做太平紳士

【明報專訊】政府噚日刊憲委任多名太平紳士，其中卸任全國人大委員長栗戰書嘅女兒栗潛心（圖）都有份，即日生效。栗潛心本身係建銀國際董事長，亦係「... 詳情

【Emily】實習生「畢業」 勞聯：盼學懂關注基層工友

【明報專訊】暑假好多公司、機構都會有實習計劃，勞聯嘅暑期大學生實習計劃近日結束，勞聯主席、立法會議員林振昇出席計劃嘅結業禮，聽同學分享經歷同... 詳情

【Emily】投廣署半年助200企業來港

【明報專訊】政府成日話要「搶人才、搶企業」，一直負責協助外地企業喺香港擴展業務嘅投資推廣署自然要更加落力。根據署方數據，今年上半年佢哋已經協... 詳情